Wednesday 6 August 2008

ساعات كده بعيد عنك

ساعات كده بعيد عنك
يجيلي كرشة نفس
وألم ف المعدة
ودربكة ومغص
وساعات أحس
إني شوية أمراض
محطوطة ف قفص
بس ماشي الحال
وساعات من غير سبب
أجري ع الحمام
ويجيلي برد وزكام
وساعات أسهر
وساعات م العصر أنام
وساعات ألاقي
صعوبة ف الكلام
وده تقريباً طول السنة
وساعات أحس
إني مش أنا
بس زي الجن
فاكر اسمي واسم مراتي
وأسامي العيال
وعلي طول بقي
جسمي مكسر ومهدود
صحيح باكل وأشرب
واضحك والعب
بس مش موجود
ومعرفش ليه عيني بترف
عمال علي بطال
هو أنا عندي إيه يا دكتور

No comments: